ناسا کاؤنٹی پولیس ڈیپارٹمنٹ کا شاندار سو سالہ جشن، لانگ آئی لینڈ میں بڑی پریڈ کا انعقاد

لانگ آئی لینڈ، نیویارک — ناسا کاؤنٹی پولیس ڈیپارٹمنٹ کے قیام کے 100 سال مکمل ہونے پر وانٹاگ، لانگ آئی لینڈ میں ایک شاندار پریڈ کا انعقاد کیا گیا۔ اس تاریخی موقع پر پولیس کمشنر پیٹرک رائیڈر، کاؤنٹی ایگزیکٹو بروس بلیک مین سمیت اعلیٰ پولیس حکام، منتخب عہدیداران اور درجنوں پولیس افسران نے شرکت کی۔

پریڈ کے دوران ناسا کاؤنٹی پولیس ڈیپارٹمنٹ کی ایک صدی پر محیط عوامی خدمت، قانون کی عملداری اور کمیونٹی سے وابستگی کو زبردست خراجِ تحسین پیش کیا گیا۔ عوام کی بڑی تعداد نے پریڈ میں شرکت کی اور پولیس ڈیپارٹمنٹ کے ساتھ اس یادگار دن کو منایا۔

پولیس ڈیپارٹمنٹ نے اپنی سوشل میڈیا پوسٹ میں لکھا:
“ہمارے 100ویں سالگرہ پریڈ کے موقع پر وانٹاگ ایونیو پر کیا ہی شاندار دن رہا! ہم کاؤنٹی ایگزیکٹو بلیک مین، مقامی منتخب نمائندوں، دیگر قانون نافذ کرنے والے اداروں، اور ان تمام افراد کے شکر گزار ہیں جنہوں نے ہمارے ساتھ پریڈ روٹ اور بلاک پارٹی میں شرکت کر کے ہماری خوشی دوبالا کی۔ 🎉”

یہ جشن نہ صرف پولیس ڈیپارٹمنٹ کی طویل خدمات کا اعتراف تھا، بلکہ ایک بار پھر کمیونٹی اور پولیس کے درمیان مضبوط تعلقات کی عکاسی بھی کرتا ہے۔

Celebrates 100 Years with Grand Parade in Long Island