حمزہ اکیڈیمی کا کامیاب فنڈ ریزنگ ، لانگ آئی لینڈمیں بڑی درسگاہ کی تعمیر میں اہم پیش رفت

حمزہ اکیڈیمی کے تین ملین سے زائد پراجیکٹ کے لئے ایک ہی رات میں پانچ لاکھ ڈالرز کے عطیات جمع
پاکستانی ، بنگلہ دیشی ، انڈین اور مسلم امریکن کمیونٹی کے مخیر حضرات نے دل کھول کر حمزہ اکیڈیمی کے لئے عطیات دئیے حتیٰ کہ ایک خاتون نے اپنی پہنی ہوئی ہزاروں ڈالرز مالیت کی جیولری بھی عطیہ کر دی
حمزہ اکیڈیمی کا منصوبہ ہماری بڑھتی ہوئی کمیونٹی کی ضروریات کو پورا کرنے کے لیے نہایت اہم ہے۔ ہمارے بچے ایک محفوظ، جدید، اور اعلیٰ معیار کے اسلامی تعلیمی ماحول میں تعلیم حاصل کریں گے، سرفراز احمد
ہمارا وژن ہے کہ حمزہ اکیڈمی ایک ایسی مکمل اسکول بلڈنگ قائم کرے جو ”پری کے “ سے 12ویں گریڈ تک تک کے تمام طلبہ کی تعلیمی ضروریات پوری کر سکے، احسن سید کا خطاب ، شرکاءکو پراجیکٹ کی بریفنگ
ہم ایسی باصلاحیت، باعلم، اور ذمہ دار شخصیات تیار کرنے کی کوشش کرتے ہیں جو اپنے ایمان، احترام اور سماجی ذمہ داری کے اصولوں کی روشنی میں اپنی کمیونٹی اور دنیا میں مثبت تبدیلی لانے کے قابل بنیں
حمزہ اکیڈمی، جو مسجد حمزہ کا حصہ ہے، نے ایک ٹریلر اور 15 طلبہ کے ساتھ اپنا تعلیمی سفر شروع کیا۔ وقت کے ساتھ، ایک ٹریلر سے شروع ہونے والا یہ سفر ایک کامیاب اور ترقی یافتہ اسکول میں تبدیل ہوگیا
والدین اپنے بچوں کے پہلے ٹیچر زہوتے ہیں ،ہمیں مضبوط تعلیمی ادارے قائم کرنا ہونگے، جو لوگ مساجد کے قریب رہیں گے ، وہ ہر فتنے بالخصوص آخرت کے فتنوںسے محفوظ رہیں گے،مفتی محمد فرحان
شیخ عبدالرشیدجنہوں نے حمزہ اکیڈیمی کے لئے فنڈ ریزنگ بھی کروائی ، نے کمیونٹی قائدین سے کہا کہ اللہ نے دئیے ہوئے سے عطیہ کرو ، اللہ تعالیٰ دئیے ہوئے مال سے ،دینا بھی بندے کی آزمائش ہے

نیویارک ( محسن ظہیر سے ) ویلی سٹریم لانگ آئی لینڈ میں حمزہ مسجد کے پراجیکٹ حمزہ اکیڈیمی کی ایک چرچ خرید کربنائی جانیوالی، اکیڈمی کی نئی بلڈنگ کے لئے، کامیاب فنڈ ریزنگ کا اہتمام کیا گیا جس میں حمزہ اکیڈیمی کے تین ملین سے زائد پراجیکٹ کے لئے ایک ہی رات میں پانچ لاکھ ڈالرز کے عطیات جمع کر لئے گئے ۔پاکستانی ، بنگلہ دیشی ، انڈین اور مسلم امریکن کمیونٹی کے مخیر حضرات نے دل کھول کر حمزہ اکیڈیمی کے لئے عطیات دئیے حتیٰ کہ ایک خاتون نے اپنی پہنی ہوئی ہزاروں ڈالرز مالیت کی جیولری بھی عطیہ کر دی ۔
لانگ آئی لینڈ میں منعقدہ فنڈ ریزنگ ڈنر کا تلاوت قرآن مجید سے ہوا۔ حمزہ اکیڈیمی کے سٹوڈنٹ نے نہایت خوبصورت انداز میں آیات قرآنی کی تلاوت کی ۔ تقریب کی نظامت کے فرائض بھی اکیڈیمی میں پڑھانے والے جواں سا ل برادر اسلام نے کی ۔تقریب میں حمزہ مسجد اور حمزہ اکیڈیمی کے بچوں اور سٹوڈنٹس نے نشید اور دین اسلام کی تعلیمات سے خوبصورت انداز میں بیان کیں ۔
حمزہ اکیڈیمی کے پریذیڈنٹ سرفرازاحمد نے شرکاءکو خوش آمدید کہتے ہوئے بتایا کہ الحمد للہ مختصر وقت میں حمزہ مسجد کے قریب ایک برائے فروخت چرچ کی بلڈنگ خرید کر وہاں حمزہ اکیڈیمی منتقل کر دی گئی ہے ۔انہوں نے کہا کہ 28ہزار سکوائر فٹ لاٹ سائز کی اس جگہ پر اب حمزہ اکیڈیمی کو آٹھویں گریڈ سے 12ویں گریڈ تک اپ گریڈ کرنا اور زیادہ سٹوڈنٹس کو انرول کرنا بھی ممکن ہو گا۔ انہوں نے کہا کہ ہماری کمیونٹی کی تعداد میں ہرروز اضافہ ہو رہا ہے ، لہٰذا ہمیں اپنے درس و تدریس کی گنجائش میں بھی اضافہ کو بھی یقینی بنانا ہے ۔
سرفراز احمد نے مزید کہا کہ یہ منصوبہ ہماری بڑھتی ہوئی کمیونٹی کی ضروریات کو پورا کرنے کے لیے نہایت اہم ہے۔ ہمارے بچے ایک محفوظ، جدید، اور اعلیٰ معیار کے اسلامی تعلیمی ماحول میں تعلیم حاصل کریں گے۔
حمزہ اکیڈیمی کی انتظامیہ کی دیکھ بھال کے انچارج احسن سید کا خطاب کرتے ہوئے کہا تھا کہ حمزہ اکیڈیمی جدید کلاس رومز، سائنس اور کمپیوٹر لیبز، انڈور پلے ایریا، کشادہ کیفےٹیریا اور لائبریری پر مشتمل ہوگا۔ یہ عمارت عبادت گاہ اور کمیونٹی سینٹر کے طور پر بھی استعمال ہوگی۔انہوں نے کہا کہ ہمارا وژن ہے کہ حمزہ اکیڈمی ایک ایسی مکمل اسکول بلڈنگ قائم کرے جو ”پری کے “ سے 12ویں گریڈ تک تک کے تمام طلبہ کی تعلیمی ضروریات پوری کر سکے۔ہم ایسی باصلاحیت، باعلم، اور ذمہ دار شخصیات تیار کرنے کی کوشش کرتے ہیں جو اپنے ایمان، احترام اور سماجی ذمہ داری کے اصولوں کی روشنی میں اپنی کمیونٹی اور دنیا میں مثبت تبدیلی لانے کے قابل بنیں۔
احسن سید نے مزید کہا کہ حمزہ اکیڈمی، جو مسجد حمزہ کا حصہ ہے، نے ایک ٹریلر اور 15 طلبہ کے ساتھ اپنا تعلیمی سفر شروع کیا۔ وقت کے ساتھ، ایک ٹریلر سے شروع ہونے والا یہ سفر ایک کامیاب اور ترقی یافتہ اسکول میں تبدیل ہوگیا۔اس وقت سے، ہم پ±رعزم ہیں کہ کمیونٹی کو معیاری، دینی اور دنیاوی تعلیم فراہم کریں۔ انہوں نے کہا کہ ہم نیو یارک اسٹیٹ کے منظور شدہ 501(c)(3)نان پرافٹ تعلیمی ادارے ہیں اور تمام ریاستی نصابی اور صحت کے معیار پر مکمل پورا اترتے ہیں۔
معروف اسلامک سکالر مفتی محمد فرحان نے کہا کہ نبی کریم ﷺنے مدینہ شریف میں سب سے پہلے مسجد بنائی تھی۔ انہون نے کہا کہ ہماری عبادتگاہیں مستحکم ہونی چاہیئے ، خاندان مضبوط ہونے چاہئیے اور ایسے تعلیمی ادارے ہونے چاہئیے کہ جہاں پر ہم اپنی آنیوالی نسلوں اور قوم کے معمار تیار کرسکیں ۔ مفتی محمد فرحان نے مزید کہاکہ والدین اپنے بچوں کے پہلے ٹیچر زہوتے ہییں ،ہمیں مضبوط تعلیمی ادارے قائم کرنا ہونگے ۔ انہوں نے کہا کہ دین اسلام کی تعلیمات میں واضح ہے کہ جو لوگ مساجد کے قریب رہیں گے ، وہ ہر فتنے بالخصوص آخرت کے فتنوںسے محفوظ رہیں گے۔
معروف عالم دین شیخ عبدالرشیدجنہوں نے حمزہ اکیڈیمی کے لئے فنڈ ریزنگ بھی کروائی ، نے کمیونٹی قائدین اور ارکان سے کہا کہ اللہ نے دئیے ہوئے سے عطیہ کرو ، اللہ تعالیٰ دئیے ہوئے مال سے ،دینا بھی بندے کی آزمائش ہے۔ اللہ تعالیٰ توفیق بھی بندے کی خوش قسمتی ہے۔ انہوں نے کہا کہ آئیں اپنے قلب کو قرآن سے منور اور کشادہ کریں اور اللہ کی راہ خرچ کریں ،ہم اس لئے بھی عطیات دیں کہ اپنی آنیوالی نسلوں کو دین کی روشنی سے منور کریں ۔
تقریب کے آکر میں حمزہ مسجد کے امام قاری عبید اللہ رانانے خصوصی دعا کروائی اور عطیات دینے والوں سمیت تمام شرکاءکا شکرئیہ ادا کیا گیا اور دعا کی گئی کہ اللہ تعالیٰ انہیں اجر عظیم عطاءفرمائیں ۔

Hamza Academy’s Successful Fundraiser Marks Major Breakthrough in Building a New Islamic Educational Center on Long Island