بشیر قمر نے پاکولی کے عہدیداروں کا اعلان کر دیا

نیویارک (اردو نیوز) پاکستانی امریکن کمیونٹی آف نیویارک (پاکولی۔PACOLI) کے بانی بشیر قمر نے تنظیم کے نئے عہدیداروں کا اعلان کر دیا ہے۔ اعلان کے مطابق شیخ توقیر الحق کو صدر نامزد کیا گیا ہے جبکہ دیگر عہدیداران میں سینئر نائب صدر ہمایوں صفدرقریشی، نائب صدور سید وسیم اور جمال ظفر، جنرل سیکرٹری آدم اعظم، جوائنٹ سیکرٹری ہما خورشید ، کمپٹرولر سلمان ظفر، میڈیا کوآرڈینیٹر تسنیم قمر اور ایگزیکٹو ڈائریکٹر عتیق قادری شامل ہیں۔
ڈائریکٹرز میں طاہرہ شریف، یوسف سجاد، شہزاد حق، چوہدری فیصل محمود، حنیف رمی سمیت مزید نام زیر غور ہیں۔بشیر قمر نے تمام نئے عہدیداروں کو تقرری پر مبارکباد دیتے ہوئے امید ظاہر کی کہ وہ 2025 سے 2026 کی مدت کے دوران پاکولی کو مزید فعال اور موثر بنانے میں اہم کردار ادا کریں گے۔