نیویارک میں صدر آزاد کشمیر بیرسٹر سلطان محمود مرحوم کی غائبانہ نماز جنازہ ادا کی جائے گی

مکی مسجد بروکلین (نیویارک) میں یکم فروری کو بعد نماز عصر بیرسٹر سلطان محمود کی نماز جنازہ ادا کی جائے گی

نیویارک (اردو نیوز) صدر آزاد کشمیر بیرسٹر سلطان محمود چوہدری مرحوم کی غائبانہ نماز جنازہ نیویارک میں ادا کی جائے گی ۔ نماز جنازہ یکم فروری کو بعد نماز عصر کونی آئی لینڈ ایونیو بروکلین پر واقع مکی مسجد میں ادا کی جائے گی جس میں کشمیری و پاکستانی امریکن کمیونٹی کے ارکان شریک ہونگے ۔

نیویارک کے علاقے کونی آئی لینڈ ایونیو پر کشمیری امریکن کمیونٹی بڑی تعداد میں آباد ہے ۔ اس کمیونٹی سے بیرسٹر سلطان محمود کا دہائیوں سےتعلق تھا اور وہ اپنے ہر دورہ نیویارک میں کمیونٹی سے ملاقاتیں کرتے تھے ۔