لندن برج پرحملہ،ایک شخص ہلاک، میٹرو پولیٹن پولیس نے واقعہ کو دہشت گردی قراردےدیا
نیویارک پولیس ڈیپارٹمنٹ کے انسداد دہشت گردی ڈیپارٹمنٹ کی جانب سے لندن واقعہ کے بعد جاری کردہ ٹویٹ میں کہا گیا کہ نیویارک پولیس ڈیپارٹمنٹ ، لندن حملے کا بغورجائزہ لے رہی ہے
لندن (اردو نیوز ) برطانوی دارالحکومت لندن میں جمعہ کے روز لندن برج کے قریب چاقو بردارشخص کے حملے اور فائرنگ کے ایک واقعہ میں ایک شخص ہلاک جبکہ پانچ افراد کے زخمی ہونے کی اطلاعات جاری کی جا رہی ہیں ۔فائرنگ اور چاقو حملے کے واقعے کے بعد لندن برج اور لندن برج (ٹیوب ) پر ٹرینوں کے سٹاپ کو روک دیا گیا ہے ۔واقعہ کی اطلاع ملتے ہی میٹرو پولیس اور مقامی پولیس کی بھاری نفری جائے وقوعہ پر پہنچ گئی ، ہیلی کاپٹرز کے ذریعے بھی جائے وقوعہ کی نگرانی شروع کر دی گئی ۔واقعہ کے بعد ملک بھر میں سنسنی پھیل گئی ۔ اطلاعات کے مطابق پولیس کاروائی کے دوران ایک شخص ہلاک ہو گیا ہے جبکہ ایک زخمی ہو گیا ہے ۔
مئیر لندن نے لندن برج حملے کے حوالے سے درج ذیل بیان ٹویٹ کیا
My statement on the incident at London Bridge. pic.twitter.com/UDL77f4uMK
— Sadiq Khan (@SadiqKhan) November 29, 2019
میٹرو پولیٹن پولیس کی جانب سے واقعہ کو دہشت گردی قراردے دیا گیا اور کہا گیا کہ مشتبہ شخص نے ایسی جیکٹ پہن رکھی کہ جس سے اس کے خود کش جیکٹ ہونے کا گمان ہوتا تھا ۔واقعہ کے بعد لندن میٹرو پولیٹن پولیس کے اسسٹنٹ کمشنر نیل اے باسو کی جانب سے واقعہ سے متعلق درج ذیل بیان جاری کیا گیا۔
We are closely monitoring the reports of an incident that is developing on the #LondonBridge and the surrounding area. pic.twitter.com/diDkS6XdxD
— NYPDCounterterrorism (@NYPDCT) November 29, 2019
مئیر لندن صادق خان نے واقعہ کے بعد پریس کانفرنس سے خطاب کے دوران کہا کہ واقعہ کی اعلیٰ سطح پر تحقیقات ہو رہی ہے۔ انہوں نے شہریوں سے اپیل کی کہ اگر کسی کو اس واقعہ کے متعلق کوئی معلومات ہو تو وہ فوری طور پر حکام کوآگاہ کرے ۔
پولیس حکام کے مطابق واقعہ کی تحققیات جاری ہے ۔ یہ معلوم کرنے کی کوشش کی جا رہی ہے کہ آیا حملہ آور شخص اکیلا تھا یا اس کے کوئی ساتھی بھی ہیں اور آیا حملہ آور کوئی انتہا پسند شخص تھا؟اور اس کے محرکات کیا تھے ؟
London Bridge attack 2019
