کورونا امدادی پیکج میں بڑوں اور بچوں کےلئے600ڈالرز فی کس امدادی چیک کی تجویزشامل ہے،سینیٹر برنی سینڈرز
میں سمجھتا ہوں کہ منتخب صدر بائیڈن عوام کی مالی مشکلات سے بخوبی آگاہ ہیں ۔ ان کی انتظامیہ میں ہم مزید اقدام کریں گے،سینیٹر برنی سینڈرز
واشنگٹن ڈی سی ( اردونیوز ) یو ایس کانگریس کی جانب سے کورونا وائرس وبا کی وجہ سے معاشی مشکلات کے شکار امریکی عوام کےلئے امدادی پیکج پر ابھی کوئی فیصلہ نہیں ہوا تاہم ڈیموکریٹ پارٹی کے سینئر سینیٹر برنی سینڈرز نے دعویٰ کیا ہے کہ مجوزہ کورونا ریلیف پیکج میں ورکنگ کلاس خاندانوں کے بڑوں کے لئے چھ سو ڈالرز فی کس اور بچوں کے لئے بھی چھ سو ڈالرز فی کس امدادی چیک تجویز کیا گیا ہے۔لہٰذا امکان ہے کہ چارافراد پر مشتمل خاندان کو 2400ڈالرز مدد ملنے کا امکان ہے جو کہ ایک اچھی خبر ہے۔
I am happy to say as we enter the holiday season, when so many families are struggling, at least there will be direct payments for every working class adult and their children, and an extension of unemployment benefits.
It is not enough, but it is progress. pic.twitter.com/schw1BopPk
— Bernie Sanders (@BernieSanders) December 17, 2020
امریکی نشریاتی ادارے سی این این کو دئیے گئے ایک انٹرویو میں سینیٹرز سینڈرز کا مزید کہنا ہے کہ ہمیں محنت کش طبقے کے لئے بہت کچھ مزید کرنے کی ضرورت ہے کیونکہ یہ طبقہ گریٹ معاشی ڈپریشن کے بعد اب پہلی بار شدید مالی مشکلات کا شکار ہے ۔انہوں نے کہا کہ میں سمجھتا ہوں کہ منتخب صدر بائیڈن عوام کی مالی مشکلات سے بخوبی آگاہ ہیں ۔ ان کی انتظامیہ میں ہم مزید اقدام کریں گے ۔
