نیویارک کے علاقے نیپ سٹریٹ بروکلین میں کچرے کے ڈبے میں نا معلوم خاتون کی لاش برامد

نیویارک پولیس کا کہنا ہے کہ متوفیہ کی شناخت اہل خانہ کو باضابطہ اطلاع دینے تک ظاہر نہیں کی جا رہی۔ پولیس نے بتایا کہ واقعے میں ابھی تک کوئی گرفتاری نہیں ہوئی اور تحقیقات جاری ہیں

نیویارک (اردونیوز) نیویارک کے علاقے بروکلین میں بیلٹ پارک وے اور نیپ سٹریٹ کے قریب ایک نامعلوم خاتون کی لاش برآمد ہوئی ہے۔ پولیس کے مطابق واقعے کی تحقیقات جاری ہیں، تاہم تاحال کوئی گرفتاری عمل میں نہیں آئی۔

نیویارک پولیس ڈیپارٹمنٹ (NYPD) کے مطابق بدھ، 16 ستمبر 2026 کو سہ پہر تقریباً 3 بج کر 8 منٹ پر بیلٹ پارک وے اور نیپ سٹریٹ کے قریب ایک خاتون کی طبی امداد سے متعلق 911 کال موصول ہوئی۔ اطلاع ملنے پر پولیس موقع پر پہنچی، جہاں ایک نامعلوم خاتون بے ہوش اور بے حس و حرکت حالت میں موجود تھی۔

ایمرجنسی میڈیکل سروسز (EMS) کے اہلکاروں نے موقع پر پہنچ کر خاتون کو مردہ قرار دے دیا۔ پولیس کے مطابق خاتون کی موت کی اصل وجہ کا تعین نیویارک کے چیف میڈیکل ایگزامنر کا دفتر کرے گا۔

نیویارک پولیس کا کہنا ہے کہ متوفیہ کی شناخت اہل خانہ کو باضابطہ اطلاع دینے تک ظاہر نہیں کی جا رہی۔ پولیس نے بتایا کہ واقعے میں ابھی تک کوئی گرفتاری نہیں ہوئی اور تحقیقات جاری ہیں۔