لانگ آئی لینڈ کے پاکستانی نژاد ڈاکٹر حسن شرجیل خان کی شہریت منسوخی کی کارروائی شروع، امریکی اخبار نیویارک پوسٹ کی رپورٹ
پاکستانی نژاد ڈاکٹر حسن شرجیل خان کی امریکی شہریت منسوخ کرنے کے لیے قانونی کارروائی شروع کر دی ہے، جو ایک کم عمر بچی کے جنسی استحصال کے جرم میں پہلے ہی سزا کاٹ رہا ہے
لانگ آئی لینڈ کے پاکستانی نژاد ڈاکٹر حسن شرجیل خان کی شہریت منسوخی کی کارروائی شروع، امریکی اخبار نیویارک پوسٹ کی رپورٹ
پاکستانی نژاد ڈاکٹر حسن شرجیل خان کی امریکی شہریت منسوخ کرنے کے لیے قانونی کارروائی شروع کر دی ہے، جو ایک کم عمر بچی کے جنسی استحصال کے جرم میں پہلے ہی سزا کاٹ رہا ہے
نیویارک ( نیوز ڈیسک ) امریکی اخبار’ نیویارک پوسٹ ‘کی رپورٹ کے مطابق امریکی محکمہ انصاف نے لانگ آئی لینڈ سے تعلق رکھنے والے پاکستانی نژاد ڈاکٹر حسن شرجیل خان کی امریکی شہریت منسوخ کرنے کے لیے قانونی کارروائی شروع کر دی ہے، جو ایک کم عمر بچی کے جنسی استحصال کے جرم میں پہلے ہی سزا کاٹ رہا ہے۔رپورٹ میں بتایا گیا ہے کہ یہ مقدمہ امریکی اٹارنی جے کلیٹن کی جانب سے نیویارک کے سدرن ڈسٹرکٹ میں دائر کیا گیا، اور یہ اُن 300 سے زائد کیسز میں شامل ہے جنہیں ٹرمپ انتظامیہ نے مجرمانہ پس منظر رکھنے والے غیر ملکی شہریوں کے خلاف شروع کیا۔
نیویارک پوسٹ کے مطابق محکمہ انصاف کا موقف ہے کہ حسن شرجیل خان نے 2013 میں امریکی شہریت غیر قانونی طور پر حاصل کی کیونکہ وہ شہریت کے حصول کے دوران مجرمانہ سرگرمیوں میں ملوث تھا اور اس نے یہ حقائق حکام سے چھپائے۔
“Naturalization and US citizenship will not protect sexual predators from the consequences of their horrific acts. If you fail to disclose serious crimes while seeking naturalization, the government will discover your lies and revoke your ill-gotten US citizenship.” -Assistant… pic.twitter.com/5ESpBtZjEK
— U.S. Department of Justice (@TheJusticeDept) April 24, 2026
اسسٹنٹ اٹارنی جنرل بریٹ شمِیٹ نے بیان میں کہا کہ امریکی شہریت جنسی جرائم پیشہ افراد کو ان کے بھیانک جرائم کے نتائج سے نہیں بچا سکتی، اور اگر کوئی شخص شہریت کے حصول کے دوران سنگین جرائم چھپائے تو حکومت اس کی شہریت واپس لے سکتی ہے۔
رپورٹ کے مطابق 38 سالہ خان نے اگست 2012 میں امریکی شہریت کے لیے درخواست دی، جبکہ اس سے چند ماہ قبل وہ لندن جا کر ایک کم عمر لڑکی کے ساتھ جنسی تعلقات قائم کر چکا تھا، جسے وہ کم عمری سے ہی ہراساں اور ورغلا رہا تھا۔ استغاثہ کے مطابق وہ لڑکی کو نامناسب تصاویر بھیجنے اور ویڈیو چیٹس کے ذریعے غیر اخلاقی حرکات پر بھی مجبور کرتا رہا۔
نیویارک پوسٹ کے مطابق خان کو ستمبر 2015 میں گرفتار کیا گیا، جبکہ 2016 میں جرم قبول کرنے پر اسے 17 سال قید کی سزا سنائی گئی۔ عدالت میں متاثرہ لڑکی نے بتایا کہ اس استحصال نے اس کی زندگی شدید متاثر کی، جس کے نتیجے میں وہ ڈپریشن، خود اذیتی رویے اور دیگر ذہنی مسائل کا شکار ہو گئی۔
محکمہ انصاف کے مطابق شہریت منسوخی کی درخواست میں کہا گیا ہے کہ ملزم نے دانستہ طور پر اپنے جرائم کو چھپایا اور وہ شہریت کے لیے درکار “اچھے اخلاقی کردار” کی شرط پر بھی پورا نہیں اترتا تھا۔
یہ خبر مکمل طور پر New York Post میں شائع کی گئی۔
Read Full News in New York Post –DOJ moves to revoke US citizenship of jailed Long Island doctor convicted of grooming 11-year-old girl
