پاکستانی امریکن محمد امتیاز کی فلوریڈا میں لیجسلیٹر کے لئے انتخابی مہم

فلوریڈا( مشرف خان  میامی فلوریڈا )  نئے سال کے  آغاز  سے  ہی  امریکہ  میں   2026  میں  ہونے  والے  پرائمری   انتخابات  کی تیاریاں  اور انتخابی  مہم  میں  تیزی آگئی  ھے اور یہی تیزی  پاکستانی  نژاد  امریکی  امیدواروں  میں  بھی  جاری ہے ۔

انتخابی  مہم  میں  جدت  پیدا کرنے کے لئے  جن  دیسی  امیدوار   دیسی   تڑکا  لگا   کر   وٹروں  کو  اپنی جانب راغب  کرنے  میں  گامزن  ہیں۔  اس دنگل  میں  کودنے  والے  ریاست  فلوریڈا  سے  امیدوار  امتیاز  محمد  ہیں جو  چوتھی  مرتبہ  انتخابات   میں  حصہ  لیکر   اپنی  ہیٹ  ٹرک  کا  ریکارڈ  توڑ رہے ہیں  ۔  واضع  ہو  گزشتہ  امریکی  انتخابات  میں  امتیاز  محمد  ریاست  فلوریڈ  کی سینٹ  کا پرائمری  الیکشن   بلامقابلہ  جیت کر  ریپبلیکن  پارٹی  امیدوار  بنے  اور انتخابات  میں   % 41.8   یعنی  93,918  ووٹ  حاصل کرنے  کے  باوجود  وہ  الیکشن  میں  دوسرے  نمبر پر رہے ۔ 

اس مرتبہ وہ   فلوریڈا  اسٹیٹ  لیجسلیٹر  کے لئے حلقہ نمبر  103 سے پرائمری  انتخابات  میں  ریپبلکن  امیدوار  ہیں۔  باقاعدہ  انتخابی مہم  کا  آغاز  وہ پہلے ہی  کرچکے ہیں۔  جیسے  جیسے  انتخابات  نزدیک  آنا شروع  ہوئے  ہیں  انہوں  نے اور انکی ٹیم نے  اپنے دیسی وٹروں  کو نزدیک  لانے کیلئے دیسی  تڑکا  لگانا شروع  کردیا۔