نیوجرسی میں انشورنس فراڈ میں 2افراد گرفتار اور سزائیں

انشورنس فراڈ کے دو مختلف مقدمات میں ملوث دو افراد کو ریاستی قید کی سزا سنائی گئی ہے،اٹارنی جنرل پلاٹکن

نیوجرسی ( محسن ظہیر سے ) امریکی ریاست نیوجرسی کے اٹارنی جنرل میتھیو جے پلاٹکن اور آفس آف انشورنس فراڈ پراسیکیوٹر نے اعلان کیا ہے کہ انشورنس فراڈ کے دو مختلف مقدمات میں ملوث دو افراد کو ریاستی قید کی سزا سنائی گئی ہے۔اٹارنی جنرل پلاٹکن نے کہا، “انشورنس غیر متوقع نقصانات سے بچاو¿ کے لیے ایک ضروری تحفظ ہے، لیکن اس کا خرچ بہت زیادہ ہو سکتا ہے۔ جو لوگ نظام کو دھوکہ دیتے ہیں، وہ اس لاگت میں بلاوجہ اضافہ کرتے ہیں۔ جعلی دعوے دائر کرنا ایک جرم ہے، اور ہم ان غیرقانونی حرکات کے مرتکب افراد کو تلاش کریں گے اور سزا دیں گے۔
عارضی انشورنس فراڈ پراسیکیوٹر، ال گارشیا نے کہا، “ہمارا دفتر ایسے ہی فراڈ کے خلاف قائم کیا گیا تھا۔ ہمارے تفتیشی افسران اور وکلاءاس قسم کی غیر قانونی سرگرمیوں کو بے نقاب کرنے کے لیے مسلسل کام کر رہے ہیں۔ ہم ان انشورنس کمپنیوں کے تعاون کے شکر گزار ہیں جنہوں نے ان مجرموں کو انصاف کے کٹہرے تک لانے میں ہماری مدد کی۔”
پہلے مقدمے میں یویل ارنسیبیا کبریرا (42 سالہ) نیو جرسی کے شہر ایلزبتھ سے تعلق رکھتے ہیں، اور جیسس لوپیز (46 سالہ) لیبنان، پنسلوانیا سے تعلق رکھتے ہیں۔ انہیں 28 اگست 2024 کو چھ نکاتی فردِ جرم میں آتش زنی (پہلی ڈگری) اور سازش (دوسری ڈگری) سمیت دیگر الزامات کا سامنا کرنا پڑا۔
تحقیقات سے معلوم ہوا کہ 28 جون 2023 کو کبریرا نے لوپیز کو اپنی 2023 ماڈل ایکورا ایم ڈی ایکس گاڑی کو آگ لگانے کے لیے رقم دی۔ 1 جولائی 2023 کو لوپیز نے گاڑی کو آگ لگا دی، جس کے بعد کبریرا نے پروگریسو انشورنس کمپنی سے انشورنس کلیم لینے کی کوشش کی۔ کمپنی نے کیس آفس آف انشورنس فراڈ پراسیکیوٹر کو بھیج دیا۔ کبریرا نے 14 اپریل 2025 کو ہڈسن کاو¿نٹی کی عدالت میں انشورنس فراڈ کا اعتراف کیا، اور 13 جون 2025 کو پانچ سال قید کی سزا سنائی گئی۔ لوپیز اس وقت مفرور ہے اور قانون کے مطابق اسے تب تک بے گناہ سمجھا جائے گا جب تک عدالت میں مجرم ثابت نہ ہو۔
دوسرے مقدمے میں تیماہد بارنز (34 سالہ) کلی منٹن، نیو جرسی سے تعلق رکھتے ہیں۔ انہیں 24 اکتوبر 2024 کو ریاستی گرینڈ جیوری نے دو بار دھوکہ دہی سے چوری اور مجرمانہ مالی سرگرمیوں میں ملوث ہونے کے الزامات میں فرد جرم عائد کی۔

Two People Sentenced to Prison Terms for Insurance Fraud in New Jersey