وزیر داخلہ محسن نقوی کی ایف بی آئی ہیڈ کوارٹر میں ڈائریکٹر کاش پاٹیل سے اہم ملاقات
ایف بی آئی ہیڈکوارٹر میں محسن نقوی کی ڈائریکٹر کاش پاٹیل سے ملاقات میں دہشت گردی کے مالی معاونت اور سائبر جرائم کے خلاف تعاون بڑھانے پر اتفاق
نیویارک ( محسن ظہیر سے) وفاقی وزیر داخلہ محسن نقوی نے دورہ امریکہ کے دوران واشنگٹن ڈی سی میں ایف بی آئی ہیڈ کوارٹر میں ڈائریکٹر ایف بی آئی کاش پاٹیل سے ملاقات کی ۔ ملاقات کے لئے محسن نقوی ایف بی آئی ہیڈ کوارٹر پہنچے تو ڈائریکٹر کاش پاٹیل نے ان کا خیر مقدم کیا اور دونوں ممالک کے درمیان سیکیورٹی تعاون کو مزید مضبوط بنانے پر تبادلہ خیال کیا۔
An honor to host the Pakistan Ministry of Interior, Mohsin Naqvi, here at Headquarters – the @FBI deeply appreciates their support as we protect US interests in the region. Important discussion surrounding facilitating resources and specialized training to combat counterterrorism… pic.twitter.com/cFEuigwiZM
— FBI Director Kash Patel (@FBIDirectorKash) July 13, 2026
ایف بی آئی ڈائریکٹر کا ش پاٹیل نے سوشل میڈیا پر جاری بیان میں کہا کہ امریکی مفادات کے تحفظ کے لیے خطے میں تعاون کے حوالے سے پاکستان وزارت داخلہ کی حمایت کو قدر کی نگاہ سے دیکھتے ہیں۔
انہوں نے بتایا کہ ملاقات میں دہشت گردی کی مالی معاونت کی روک تھام، انسدادِ دہشت گردی کے لیے وسائل کی فراہمی، خصوصی تربیت اور سائبر تحقیقات کے شعبوں میں تعاون بڑھانے پر اہم گفتگو ہوئی۔
کا ش پاٹیل نے کہا کہ پاکستان اور امریکہ کے درمیان شراکت داری انتہائی اہم ہے اور دونوں ممالک مستقبل میں بھی مشترکہ کامیابیوں کے لیے کام جاری رکھیں گے۔ملاقات کے دوران سیکیورٹی چیلنجز سے نمٹنے، قانون نافذ کرنے والے اداروں کے درمیان رابطوں کو بہتر بنانے اور جدید تفتیشی صلاحیتوں کے تبادلے پر بھی بات چیت کی گئی۔
نوٹ: تازہ اور اہم خبروں کے لئے وزٹ کرتے رہیں ۔۔۔ اردو نیوز یو ایس اے
