غزالہ ہاشمی امریکی ریاست ورجینیا میںپہلی مسلم سٹیٹ سینیٹرمنتخب

 مینیسوٹا کی نمائندے الہان عمر اور مشی گن کی راشدہ طالب گذشتہ سال کانگریس کے لئے منتخب ہونے والی پہلی مسلمان خواتین تھیں

ورجینیا (اردو نیوز ) امریکہ میں پانچ نومبر کو ہونیوالے الیکشن میں مسلم امریکن غزالہ ہاشمی ورجینا سٹیٹ میں منتخب ہونیوالی پہلی مسلم خاتون سٹیٹ سینیٹر بن گئیں ۔وہ چارسال کی عمر میں انڈیا سے امریکہ منتقل ہوئیں ۔ وہ لٹریچر کی سابق پروفیسر اور کالج ایڈمنسٹریٹر رہی ہیں ۔55سالہ غزالہ ہاشمی کی کامیابی نے ڈیموکریٹک پارٹی کو ورجینیا سٹیٹ میں دو سے زائد دہائیوں کے بعد ڈیموکریٹس کو اکثریت حاصل کرنے اور سٹیٹ سینٹ کا کنٹرول سنبھالنے میں کلیدی کردار ادا کیا ہے ۔ محترمہ ہاشمی نے اپنی انتخابی مہم ،تعلیم کو بہتر بنانا ، بندوقوں پر قابو پانے پر کارروائی کرنا اور صحت کی دیکھ بھال تک رسائی کو بڑھانے جیسے اہم ایشوز پر چلائی ۔ ریاستی سینیٹ میں پہلی مسلمان بننے کے علاوہ ، وہ اپنی مہم کے مطابق ورجینیا جنرل اسمبلی میں خدمت کرنے والی پہلی مسلمان خاتون ہوں گی۔
یہاں یہ امر قابل ذکر ہے کہ ایک رپورٹ کے مطابق امریکہ میںبسنے والے مسلمان 2016کے بعد سے جوش و خروش سے امریکہ کی انتخابی سیاست میں حصہ لے رہے ہیں ۔ اس عرصے میں 300 سے زیادہ مسلم امیدواران ، جن میں 100 سے زیادہ خواتین شامل ہیں ، ملک بھر میں منتخب دفتر کے لئے انتخاب لڑ چکے ہیں۔مینیسوٹا کی نمائندے الہان عمر اور مشی گن کی راشدہ طالب گذشتہ سال کانگریس کے لئے منتخب ہونے والی پہلی مسلمان خواتین تھیں۔ اور بہت سے دوسرے افراد نے ملک بھر میں چھوٹی چھوٹی ریسوں میں حصہ لیا ہے ، جیسے ابرار ای اومیش ، جنہوں نے فیئر فیکس کاو¿نٹی اسکول بورڈ میں منگل کو ایک نشست جیت لی۔
محترمہ ہاشمی نے بدھ کے روز ایک انٹرویو میں کہا ، “امریکہ میں مسلمان دوسرے امریکیوں کی طرح ہی ہیں۔میں گرل اسکاو¿ٹس کے لئے ٹروپ لیڈر رہی ہوں۔ میں اپنی بیٹیوں کے اسکول اور رضاکارانہ کاموں میں سرگرم رہی ہوں۔ وہ سب کام جو ایک دوسری مضافاتی ماں کر رہی ہے ، میں کر رہی ہوں۔

Ghazala Hashmi, State Senator Virginia

Representatives Ilhan Omar

Rashida Tlaib