خیبر سوسائٹی کی جانب سے زوہران ممدانی کو مئیر منتخب ہونے پر مبارکباد

خیبر سوسائٹی کی جانب سے زوہران ممدانی کو مئیر منتخب ہونے پر مبارکباد
خیبر سوسائٹی کے پریذیڈنٹ زمان آفریدی کی جانب سے جاری کردہ بیان میں کہا گیا کہ وہ خیبر سوسائٹی کی پوری کابینہ اور ارکان کی جانب سے منتخب مئیر زوہران ممدانی کو ان کی کامیابی پر مبارکباد پیش کرتے ہیں

نیویارک ( اردونیوز) پاکستانی امریکن کمیونٹی کے پشتون ارکان کی نمائندہ تنظیم خیبر سوسائٹی آف یو ایس اے کی جانب سے نیویارک سٹی کے مئیر کے امیدوار زوہران ممدانی کو الیکشن میں کامیابی پر مبارکباد دی گئی ہے ۔ خیبر سوسائٹی کے پریذیڈنٹ زمان آفریدی کی جانب سے جاری کردہ بیان میں کہا گیا کہ وہ خیبر سوسائٹی کی پوری کابینہ اور ارکان کی جانب سے منتخب مئیر زوہران ممدانی کو ان کی کامیابی پر مبارکباد پیش کرتے ہیں اور ان کے لئے دعا گو ہیں کہ وہ نیویارک کی تعمیر و ترقی اور نیویارکرز کی فلاح و بہبود کے لئے اپنا بھرپور کردار ادا کریں اور بطور مئیر کامیاب ہوں ۔

زمان آفریدی نے اپنے بیان میں مزید کہا کہ نیویارک کی امیگرنٹ کمیونٹی بھی منتخب مئیر سے توقع رکھتی ہے کہ وہ امیگرنٹ کمیونٹی کی ترقی کو بھی یقینی بنائیں گے اور ان کے لئے مواقع پیدا کریں گے کہ وہ آگے بڑھیں اور اپنا نمایاں مقام حاصل کریں ۔
زمان آفریدی کی جانب سے منتخب مئیر کو خیبر سوسائٹی سے خطاب کی دعوت بھی دی گئی ۔

واضح رہے کہ چار نومبر کو ہونیوالے الیکشن میں ڈیموکریٹ پارٹی سے تعلق رکھنے والے زوہران ممدانی ، نیویارک سٹی کے 111ویں مئیر منتخب ہوئے ہیں ۔
(ظوہران ممدانی )

Khyber Society of USA Congratulates NYC Mayor elect Zohran Mamdani on his historic victory