برفانی طوفان، نیویارک میں ایمرجنسی نافذ ، ٹریول بین بھی لگا دیا گیا

نیویارک ( محسن ظہیر )

نیویارک شہر کے میئر ظہران ممدانی نے شدید برفانی طوفان کے خطرے کے پیش نظر شہر میں مقامی ہنگامیحالت نافذ کرنے کا اعلان کر دیا ہے۔

میئر کے مطابق اتوار کی رات نو بجے سے پیر دوپہر بارہ بجے تک شہر کی سڑکیں غیر ضروری گاڑیوں کے لیے بندرہیں گی تاکہ امدادی عملہ اور ضروری خدمات انجام دینے والے کارکن بغیر کسی رکاوٹ کے اپنی ذمہ داریاںادا کر سکیں۔

ہنگامی خدمات، عوامی ذرائع آمدورفت، طبی سامان، خوراک، ایندھن، بجلی اور گیس کی مرمت اور دیگر اہمخدمات فراہم کرنے والی گاڑیوں کو اس پابندی سے استثنیٰ حاصل ہوگا۔

میئر نے اعلان کیا ہے کہ نیویارک شہر کے سرکاری تعلیمی ادارے 23 فروری کو بند رہیں گے، سوائے اُنعمارتوں کے جو عارضی گرم پناہ گاہوں کے طور پر استعمال ہوں گی۔ پیر کو برف کا دن قرار دیا گیا ہے، کسیقسم کی آن لائن تعلیم نہیں ہوگی اور تمام بعد از تدریسی سرگرمیاں منسوخ رہیں گی۔

ریاستی محکمہ تعلیم کے ساتھ مشاورت کے بعد شہر کو ایک سو اسی لازمی تدریسی دنوں کی شرط میں خصوصیرعایت دی گئی ہے تاکہ طلبہ، اساتذہ اور خاندانوں کی حفاظت کو یقینی بنایا جا سکے۔

اعلامیے کے تحت پیر کے روز باری باری سڑک کی صفائی کے لیے گاڑی کھڑی کرنے کا قانون بھی معطلرہے گا۔ متعلقہ شہری محکمہ کو قیمتوں میں ناجائز اضافے کی روک تھام کے لیے نگرانی اور سخت کارروائی کیہدایت جاری کی گئی ہے۔

مزید برآں شہری ہنگامی انتظامیہ، محکمہ آتش نشانی، محکمہ پولیس، محکمہ سینی ٹیشن اور محکمہ ٹرانسپورٹ کوعوامی تحفظ کے لیے تمام ضروری اقدامات کرنے کا حکم دے دیا گیا ہے۔

میئر ممدانی نے شہریوں سے اپیل کی ہے کہ وہ طوفان کے دوران گھروں میں رہیں، بزرگوں اور ضرورت مندافراد کا خاص خیال رکھیں اور سرکاری ہدایات پر مکمل عمل کریں۔ انتظامیہ کے مطابق تمام متعلقہ ادارےسڑکوں کی صفائی، کمزور طبقات کے تحفظ اور ضروری خدمات کی مسلسل فراہمی کے لیے سرگرم عمل ہیں۔