امپائر اسٹیٹ بلڈنگ نیویارک کے انٹینا پر چڑھ کر شادی کی پیش کش کرنے والا جوڑا گرفتار
جوڑے نے امپائر سٹیٹ بلڈنگ کی چھت پر چڑھ کر منگنی کی انگوٹھی پہنائے جانے کی انوکھی رسم تو ادا کر لی اور دنیا بھر کے ساتھ نیویارک پولیس ڈیپارٹمنٹ کی توجہ کا مرکز بھی بن گئے
نیویارک پولیس کا کہنا ہے کہ گرفتار کیے گئے افراد کے خلاف قانونی چارجز عائد کرنے کا عمل جاری ہے اور واقعے کی وجوہات جاننے کے لیے تحقیقات کا آغاز کر دیا گیا ہے
نیویارک ( اردو نیوز) نیویارک کی دوسر ی بلند ترین عمارت امپائر سٹیٹ بلڈنگ کے عین اوپر انٹینا پر چڑھ کر اپنی محبوبہ کے سامنے جھک کر شادی کی پیشکش کرنے والا دیوانہ ، اپنی محبوبہ کے ساتھ گرفیار کر لیا گیا ۔ نیویارک میں یکم جولائی کے گرم ترین دن میں دو افراد اچانک امپائر سٹیٹ بلڈنگ کے ٹاپ پر پہنچنے میں کامیاب ہو گئے اور وہاں سب کی نظروں میں آگئے جس کے بعد وہ میڈیا اور میڈیا ہیلی کاپٹر کے ذریعے سب کی نظروں کا مرکز بن گئے ۔ جلد واضح ہو گیا کہ بلند ترین عمارت کی اونچائی پر پہنچنے والا اس جوڑے میں ، دیوانہ ، اپنی گرل فرینڈ کو شادی کے لئے پروموز کرنا چاہتا ہے اور میڈیا کوریج کے ذریعے نیویار ک میں انتہائی منفرد اور انوکھے انداز میں دنیا نے شادی کی پروپوزل کا یہ واقعہ دیکھا۔
جوڑے نے امپائر سٹیٹ بلڈنگ کی چھت اور پھر چھت پر لگے انٹینا پر چڑھ کر منگنی کی انگوٹھی پہنائے جانے کی انوکھی رسم تو ادا کر لی اور دنیا بھر کی توجہ بھی اپنی طرف مبذول کر لی لیکن اُن پر توجہ دینے والوں میں نیویارک پولیس ڈیپارٹمنٹ بھی شامل تھا۔
امپائر اسٹیٹ بلڈنگ کے انٹینا پر چڑھ کر اپنی گرل فرینڈ کو شادی کی پیشکش کرنے والے نوجوان اور اس کی محبوبہ کو نیویارک پولیس نے باقاعدہ گرفتار کر کے ان پر سنگین قانونی دفعات کے تحت مقدمات درج کر لیے ہیں۔ پولیس حکام کی جانب سے جاری کردہ تازہ ترین معلومات کے مطابق، یہ واقعہ بدھ کے روز پیش آیا تھا جس کے بعد مڈ ٹاؤن ساؤتھ تھانے کی حدود سے دونوں افراد کو حراست میں لیا گیا۔ اب پولیس نے ان دونوں ملزمان کی شناخت اور ان پر عائد کردہ الزامات کی مکمل تفصیلات جاری کر دی ہیں۔
پولیس ریکارڈ کے مطابق گرفتار ہونے والے بتیس سالہ نوجوان کا نام ایوان کزنیتسوف ہے، جبکہ اس کی تینتیس سالہ محبوبہ کی شناخت اینجلینا نیکولاؤ کے نام سے ہوئی ہے۔ یہ دونوں نیو جرسی کے علاقے ایسٹ اورنج کے رہائشی ہیں اور ایک ہی پتے پر مقیم ہیں۔ پولیس نے کارروائی کرتے ہوئے دونوں کو دوپہر ایک بج کر اٹھارہ منٹ پر اس وقت حراست میں لیا جب وہ عمارت سے نیچے اترے۔
نیویارک پولیس نے دونوں ملزمان پر متعدد سنگین دفعات کے تحت مقدمہ درج کیا ہے۔ ان الزامات میں زبردستی غیر قانونی داخلہ، دوسروں کی جان کو خطرے میں ڈالنا، املاک کو نقصان پہنچانا، مقامی قوانین کی خلاف ورزی، غیر قانونی داخلے کے آلات پاس رکھنا، املاک کے ساتھ مجرمانہ چھیڑ چھاڑ، ممنوعہ حدود کی خلاف ورزی اور امن و امان میں خلل ڈالنے جیسے سنگین جرائم شامل ہیں۔
یہ واقعہ اس وقت پیش آیا جب یہ جوڑا سخت گرمی کے باوجود امپائر اسٹیٹ بلڈنگ کی چھت اور پھر وہاں نصب انٹینا کے آخری سرے پر چڑھ گیا۔ نوجوان نے وہاں میڈیا ہیلی کاپٹرز اور نیچے موجود ہجوم کے سامنے اپنی محبوبہ کو منگنی کی انگوٹھی پہنائی۔ اگرچہ اس انوکھے واقعے نے دنیا بھر کی توجہ حاصل کر لی، لیکن عمارت سے نیچے اترتے ہی پولیس کے ہنگامی خدمات کے دستے نے انہیں گرفتار کر لیا۔ خوش قسمتی سے اس پورے واقعے میں کوئی زخمی نہیں ہوا، تاہم اب اس جوڑے کو عدالت میں سخت قانونی کارروائی کا سامنا کرنا پڑے گا۔
Two Arrested After Scaling the Antenna of the Empire State Building
یہ خبر بھی پڑھیں ۔ شٹل بس حادثے میں بس بے قابو ہو کر ایکسپریس وے پر دوسری جانب جانے والی افتخار یعقوب کی گاڑی سے ٹکرائی، حادثے میں دو افراد جاں بحق
Bonnie and Clyde? Batman and Catwoman? An influencer couple was taken into NYPD custody after climbing to the peak of the Empire State Building, flying a flag calling for world peace and, ultimately, getting engaged at 1,400 feet.
More on the wild story at the link:… pic.twitter.com/QJRiQEVHNt
— PIX11 News (@PIX11News) July 1, 2026
