پاکستان ہاوس بروکلین میں نواز شریف کی والدہ مرحومہ کےلئے فاتحہ خوانی

نیویارک (اردونیوز ) نیویارک میں پاکستانی امریکن کمیونٹی کے سب سے بڑے گڑھ کونی آئی لینڈ ایونیو پر واقع کمیونٹی کے ایک سماجی مرکز ”پاکستان ہاو¿س“ میں سابق وزیر اعظم پاکستان میا ں محمد نواز شریف کی والدہ مرحومہ کی روح کے ایصال ثواب کے لئے فاتحہ خوانی کی اور دعا کی گئی ۔ فاتحہ خوانی میں کمیونٹی کی مقامی شخصیات جنید تنولی ، نسیم خان علی زئی ، عزیز بٹ ، منور گوندل ، سعید خان ، راجہ رزاق ، راجہ ضمیر پوروان سمیت دیگر نے شرکت کی ۔

اس موقع پر دعا کی گئی کہ اللہ تعالیٰ بیگم شمیم اختر مرحومہ کو اپنے جوار رحمت میں اعلیٰ مقام نصیب فرمائیں اور ان کے درجات بلند فرمائیں ۔ شرکاءنے شریف فیملی سے بھی اظہار تعزیت کیا اور دعا کہ اللہ تعالیٰ انہیں یہ صدمہ برداشت کرنے کی توفیق عطاءفرمائیں ۔

یہ بھی پڑھیں ۔ https://www.urdunewsus.com/danish-malik-pmln-usa/