نیویارک میں 20 ملین ڈالر سے زائد کے ہیلتھ کیئر فراڈ میں ملوث شخص کو 38 ماہ قید
نیویارک کے 56 سالہ نوسن سکلر، جو نیتھن سکلر کے نام سے بھی جانا جاتا ہے، کو دھوکہ دہی کے جرم میں جیل بھیج دیا گیا
نیویارک میں 20 ملین ڈالر سے زائد کے ہیلتھ کیئر فراڈ میں ملوث شخص کو 38 ماہ قید
نیویارک کے 56 سالہ نوسن سکلر، جو نیتھن سکلر کے نام سے بھی جانا جاتا ہے، کو دھوکہ دہی کے جرم میں جیل بھیج دیا گیا ہے، سادرن ڈسٹرکٹ آف نیویارک
نیویارک (اردونیوز) امریکی ریاست نیویارک میں ہیلتھ کیئر بینیفٹ پروگرامز سے 20 ملین ڈالر سے زائد کا فراڈ کرنے والے شخص کو 38 ماہ قید کی سزا سنا دی گئی۔سادرن ڈسٹرکٹ آف نیویارک کے امریکی اٹارنی جیمی میکڈونلڈ نے اعلان کیا کہ نیویارک کے 56 سالہ نوسن سکلر، جو نیتھن سکلر کے نام سے بھی جانا جاتا ہے، کو دھوکہ دہی کے جرم میں جیل بھیج دیا گیا ہے۔
عدالتی دستاویزات اور کارروائی کے مطابق نوسن سکلر نیویارک سٹی میں فزیکل ری ہیبلیٹیشن مراکز چلانے والی ایک کمپنی کا مالک اور چیف ایگزیکٹو آفیسر تھا۔ جنوری 2020 سے جولائی 2024 کے دوران اس نے مبینہ طور پر مختلف ہیلتھ کیئر بینیفٹ پروگرامز کو 20 ملین ڈالر سے زائد کے ایسے طبی بل جمع کرائے جن میں ایک ڈاکٹر کو خدمات فراہم کرنے والا معالج ظاہر کیا گیا، حالانکہ مذکورہ ڈاکٹر نے یہ خدمات انجام نہیں دی تھیں۔
عدالت میں پیش کیے گئے ریکارڈ کے مطابق متعلقہ ڈاکٹر اس عرصے کے دوران ری ہیبلیٹیشن کمپنی کے ساتھ کام نہیں کر رہا تھا اور نہ ہی اس نے اپنے نام سے بل جمع کرانے کی اجازت دی تھی۔ جولائی 2024 میں ڈاکٹر سے گفتگو کے دوران سکلر نے مبینہ طور پر اعتراف کیا کہ اس نے پیسوں کی خاطر ڈاکٹر کے نام پر فراڈ کیا۔
تحقیقات کے مطابق سکلر نے تین مختلف ہیلتھ بینیفٹ پروگرامز کو 20 ملین ڈالر سے زائد کے دعوے جمع کرائے، جن میں متعلقہ ڈاکٹر کو خدمات فراہم کرنے والا ظاہر کیا گیا تھا۔ ان میں سے تقریباً 12.4 ملین ڈالر کے دعوے ہیلتھ پلانز کی جانب سے ادا بھی کیے گئے۔
سزا کے علاوہ نوسن سکلر کو تین سال تک نگرانی میں رہنے کا حکم دیا گیا ہے۔ عدالت نے اسے 12,440,000 ڈالر ضبط کرنے اور متاثرہ ڈاکٹر کے قانونی اخراجات ادا کرنے کا بھی پابند کیا ہے۔
امریکی اٹارنی جیمی میکڈونلڈ نے کہا کہ یہ سزا جرم کی سنگینی کو ظاہر کرتی ہے اور ان کا دفتر تمام نیویارکرز کے لیے قابل برداشت صحت کی سہولیات کو فراڈ سے محفوظ بنانے کے لیے پرعزم ہے۔انہوں نے کہا کہ نوسن سکلر نے کئی سال تک ہیلتھ کیئر بینیفٹ پروگرامز سے لاکھوں ڈالر ہتھیائے اور اب اسے اپنے جرائم کے نتیجے میں طویل عرصہ جیل میں گزارنا ہوگا۔
کیس کی تحقیقات امریکی محکمہ صحت و انسانی خدمات کے انسپکٹر جنرل کے دفتر اور وفاقی تحقیقاتی ادارے ایف بی آئی نے کیں۔ مقدمے کی کارروائی سدرن ڈسٹرکٹ آف نیویارک کے وائٹ پلینز ڈویڑن میں ہوئی، جبکہ اس کی پیروی اسسٹنٹ امریکی اٹارنی جورجا این ناؤر اور ڈیوڈ اے مارک وٹز نے کی۔
Owner Of Physical Rehabilitation Company Sentenced To 38 Months In Prison For $20 Million Fraud On Health Benefit Programs
https://www.justice.gov/usao-sdny/pr/owner-physical-rehabilitation-company-sentenced-38-months-prison-20-million-fraud
