نیویارک سٹی میں المناک ٹرین حادثہ یا خودکشی ؟؟؟

نیویارک سٹی میں المناک ٹرین حادثہ یا خودکشی ؟؟؟انڈین امریکن لڑکی مالائیکا چترے اور نیپالی امریکن لڑکانوام کول ٹرین کی پٹری پر ٹرین کے نیچے آکر اکٹھے جاں بحق

نیویارک (اردونیوز) نیویارک سٹی کے سب وے یعنی کہ ایک لوکل ٹرین سٹیشن کی پٹری پر بیٹھ کر سامنے سے آنے والی ٹرین سے ٹکرا جاں بحق ہونے والی بھارتی نژاد لڑکی اور نیپالی نژاد امریکی نوجوان کی شناخت ہو گئی ہے۔ دونوں 24 سالہ نوجوان روٹگرز یونیورسٹی کے سابق طالب علم اور دیرینہ دوست تھے۔ امریکی میڈیا کے مطابق ایک ٹرین کی آمد سے قبل مبینہ طور پر ایک ٹریک پر گر گیا، جبکہ دوسرا دوست اسے بچانے کی کوشش میں ٹریک پر اتر گیا، جہاں دونوں ٹرین کی زد میں آ کر جاں بحق ہو گئے۔جاں بحق ہونے والوں میں نیو جرسی کی رہائشی مالائیکا چترے اور سائرے وِل، نیو جرسی کے رہائشی نوام کول شامل ہیں۔ نیویارک ڈیلی نیوز کے مطابق دونوں نے روٹگرز یونیورسٹی میں ایک ساتھ تعلیم حاصل کی تھی۔
واقعہ کی آن لائن گردش کرنے والی ویڈیو میں مبینہ طور پر لڑکی کو نوجوان کو اپنی طرف کھینچتے ہوئے دیکھا جا سکتا ہے، جبکہ کچھ ہی لمحوں بعد ایک ٹرین ٹریک پر پہنچتی ہے اور دونوں کو کچل دیتی ہے۔ حادثہ لوئر مین ہٹن کے اسپرنگ اسٹریٹ سب وے اسٹیشن پر پیش آیا، جہاں ڈاو¿ن ٹاو¿ن جانے والی نمبر 4 ٹرین لوکل ٹریکس پر چل رہی تھی۔
ابتدائی اطلاعات کے مطابق ایک شخص پہلے ٹریک پر گرا یا نیچے اترا، جبکہ دوسرا مبینہ طور پر اس کی مدد کے لیے ٹریک پر پہنچا۔ تاہم پولیس اس بات کی تحقیقات کر رہی ہے کہ دونوں ٹریک پر کیسے پہنچے اور آیا یہ حادثہ تھا یا کوئی اور وجہ اس سانحے کے پیچھے کارفرما تھی۔پولیس ذرائع کے مطابق اس بات کا بھی جائزہ لیا جا رہا ہے کہ آیا دونوں نے شراب یا کسی نشہ آور چیز کا استعمال کیا تھا، جس کے باعث انہیں قریب آتی ٹرین کا بروقت اندازہ نہ ہو سکا۔ خودکشی کے امکان کو بھی خارج نہیں کیا گیا، تاہم واقعے کی حتمی وجہ ابھی سامنے نہیں آئی۔
مالائیکا چترے اور نوام کول دونوں نیو جرسی میں پلے بڑھے اور یونیورسٹی کے زمانے میں ایک ہی دوستوں کے حلقے کا حصہ تھے۔ ان کے اچانک انتقال پر خاندان، دوستوں اور پڑوسیوں نے گہرے دکھ اور صدمے کا اظہار کیا ہے۔مالائیکا چترے نے روٹگرز یونیورسٹی سے تعلیم مکمل کرنے کے بعد فارماسیوٹیکل شعبے میں ملازمت شروع کی تھی اور ڈاکٹر آف فارمیسی کی تعلیم بھی حاصل کر رہی تھیں۔ نوام کول مالیاتی شعبے سے وابستہ تھے اور بلومبرگ میں مالیاتی ڈیٹا اینالسٹ کے طور پر کام کر چکے تھے۔
دونوں کی موت نے نیویارک کے سب وے نظام میں مسافروں کی حفاظت کے حوالے سے بھی سوالات اٹھا دیے ہیں۔ پولیس اور متعلقہ حکام واقعے کے مکمل حالات جاننے کے لیے تحقیقات کر رہے ہیں۔

Malaika Chitre and Navam Kaul Killed in Manhattan Subway Tragedy